أخبار العالم / القاهرة
قال محسن عبدالراضى أنا صاحب فيديو “طفل البلكونة”.. يعني انا اللي صورت ووثقت الواقعة
واضاف : ملحقتش اعمل حاجة ولا كنت هلحق اعمل حاجة.. لانه ببساطة انا في الدور السادس في العمارة المجاورة.. والواقعة في الدور الثالث في العمارة اللي قصادي.. يعني لما انزل هيكون الولد وقع و الله يرحمه.. فكان الحل اني اصور اوثق القصة عشان نجيب حق الطفل اللي ملوش ذنب غير انه لام متعرفش حاجة عن الامومة والانسانية.. واننا نزعقلها انا والجيران و نخوفها اننا شايفينها وده اللي حصل وسحبت الطفل بعد كده….
الست هتتحاسب.. و الاسرة مش هيلحق بيها اي ضرر.. والطفل هيتربى تربية كويسة
انا صورت وعرفنا نجيب حقه خلال ساعات.. بس فيه زيه كتير يا ريت نقدر نوصلهم يا ريت
على اي حال الست حاليا في قسم الجيزة بيتحقق معاها.. والطفل في ايد امينة بوزارة التضامن
