بالتفاصيل .. الناس اللي ما تعرفش حاجة عن :التأمين الصحي الشامل ببورسعيد

● انا المفروض #ادفع كام بالظبط بقي عشان اتمتع بالمنظومة الحلوة دي؟
بص كدا وركز معايا …
يتم خصم١%من عائل الأسرة (الأب) العامل سواء قطاع حكومي او عام او خاص وخصم ١% عن الزوجة العاملة(من راتبها) أو ٣% عن الزوجة الغير عاملة و١% عن الزوجة العاملة بتتخصم من راتبها ، وكذلك ١% عن كل ابن ، علي ألا تتعدي الأسرة ٧% حتي لو كان عدد الابناء أكثر من ذلك…
● يعني بالبلدي كدا يابا الحاج لو مرتبك ١٠٠٠جنيه هتدفع فالشهر ١٠ ج ليك ، و١٠ج عن كل ابن بحد اقصي ٧٠ ج …
● يعني لو لك ١٠ عيال هتدفع عن٧ عيال بس والدولة هتدفع الباقي ..
● طب لو مراتك مبتشتغلش يبقي هتدفع عنها ٣% يعني ٣٠ج فالشهر ..
يعني لو اسرة مكونة من اب وام و٥ ابناء والدخل مثلا ١٠٠٠ج ..
● يبقي الاب هيدفع عنه ١% = ١٠ج وعن الزوجة اللي مش بتشتغل ٣% = ٣٠ج وعن كل ابن ١% ، يعني ١٠ج للواحد × ٥ = ٥٠ج يعني الاب دا هيدفع فالشهر ٩٠ج عن اسرته كلها ..
● خلي بالك المفروض القانون ٢ لسنة ٢٠١٨ اللي كنا اكلمنا عنه دا بيقولك ان المفروض الشخص الواحد تكلفه علاجه فالمنظمة ٥% … انت يا معلم بتدفع ١% والدولة بتساعدك وبتدفعلك الباقي او رب العمل بيدفعلك الباقي لو كنت قطاع خاص..
● طيب #المعاشات هتدفع ٣% برضه فالشهر .. يعني لو المعاش ١٠٠٠ج ، هتدفع سيادتك ٣٠ج فالشهر وبرضه نفس النسب لمراتك وعيالك..
● طيب هدفع #بالشهر؟
لا يا معلم ،، لو انت موظف هتدفع #بالشهر اه عشان هيتخصم اوتوماتيك م المرتب .. اما لو اعمال حرة او معاشات او غيره زي الشاطر كدا هتدفع بالسنة وتعين الوصل معاك ..
● طب افرض انت كرب اسرة معنتش قادر تشتغل وتسدد ، ايه هيحصل؟
لو مراتك بتشتغل هي اللي هتدفع عنك وعن الاسرة
طب لو مش بتشتغل وزيك غير قادرة؟
هيتعملكم لجنة بحث من وزارة التضامن والدولة هتدفع عنكم كل التكاليف ..